Xitay edebiyat-sen'etchiler birleshmisi “Shinjangni medeniyet bilen ozuqlandurush” témisida mexsus xizmet yighini achqan

Ixtiyariy muxbirimiz jewlan
2022.06.30
Share on WhatsApp
Share on WhatsApp

“Bingtu'en géziti” chiqarghan bir xewerdin melum bolushiche, 28-iyun küni xitay edebiyat-sen'etchiler birleshmisi “Shinjangni medeniyet bilen ozuqlandurush” témisida mexsus xizmet yighini achqan. 

Bu yighin Uyghur rayonidiki iqtisadiy talan-taraj we medeniyet assimilatsiyeside awan'gartliq rolini oynawatqan bingtu'enning alahide qollishi bilen échilghan bolup, bingtu'en partkomining mu'awin sékritari, partkom teshwiqat bölümining bashliqi lyu jyenming yighinda söz qilip, “Shinjangni medeniyet bilen ozuqlandurush” xizmitini ilgiri sürüshni tekitligen.

Lyu jyenming xitay edebiyat-sen'etchiler birleshmisi ezaliridin “Shinjangni medeniyet bilen ozuqlandurush” xizmitining muhimliqini tonup, edebiyat-sen'etchilerning shinjanggha yardem bérish qizghinliqini ashurup, yaxshi eserlerni barliqqa keltürüp, Uyghur rayonini “Ilghar jungxu'a medeniyitini namayen qilidighan makan” gha aylandurush üchün tirishchanliq körsitishni telep qilghan.

Lyu jyenming bu yighinda shi jinping we ma shingrüyning “Shinjangni medeniyet bilen ozuqlandurush, jungxu'a milletliri ortaq gewdisi berpa qilishning asasi” dégen idiyesini tekitligen bolup, edebiyat-sen'etchilerni bu sepke aktip qétilishqa seperwer qilghan. “Xelq'ara kishilik hoquqni közitish teshkilati” ning aliy tetqiqatchisi maya wangning qarishiche, “Shinjangni medeniyet arqiliq ozuqlandurush” qurulushi emeliyette Uyghurlarni xitaylashturush siyasitining özi bolup, uning ijra'at shekli “Insaniyetke qarshi jinayet” tüsini alghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.