Үрүмчидә «4-нөвәтлик хитай явру-асия бихәтәрлик көргәзмиси» башланған

Мухбиримиз ирадә
2017-08-17
Share

17-Авғуст күни үрүмчидики хәлқаралиқ йәрмәнкә мәркизидә «4-нөвәтлик хитай явру-асия бихәтәрлик көргәзмиси» башланған болуп, йәрмәнкидә бихәтәрлик қоғдаш вә сақчи қисимлири ишлитидиған түрлүк һәрбий әслиһәләр көргәзмә қилинған икән.

«Җуңго хәвәрләр» тори инглизчә қилип тарқатқан хәвиридә, бу йәрмәнкигә 30 дин ошуқ дөләттин кәлгән 5000 дәк орун вә шәхсниң қатнашқанлиқини, көргәзмидә түрлүк юқири техникилиқ үскүниләр, болупму сүзүклүк дәриҗиси интайин юқири болған бихәтәрлик камералири, учқучисиз айропилан вә машина адәмләрниң көргәзмә қилинғанлиқини баян қилған.

Хитай һөкүмити 2014-йили уйғур елида «тунҗи нөвәтлик хитай явру-асия бихәтәрликни қоғдаш йәрмәнкиси» вә «10-нөвәтлик шинҗаң террорлуққа қарши туруш әслиһәлири көргәзмиси» ни ечип, буни һәр йили давам қилип кәлмәктә.

Чәтәлләрдики уйғур көзәткүчиләр, хитай һөкүмитиниң бундақ йәрмәнкиләр арқилиқ бир яқтин өзиниң уйғур елидики бастуруш һәрикәтлирини хәлқаралиқ террорлуққа қарши туруш нами астида қанунийлаштуруш вә уни хәлқаралаштурушни мәқсәт қилған болса, йәнә бир яқтин бу уйғурларниң роһини сундурушни мәқсәт қилған, дәп қаримақта.

Һалбуки, хитай һөкүмитиниң уйғур елида һазир һәддидин зиядә бихәтәрлик тәдбирлирини елиши вә миңлап‏-онмиңлап сақчи қошуни сәплиши хәлқарадики кишилик һоқуқ органлириниң күчлүк тәнқидигә учримақта. Адриян зенз вә җәймис леболд қатарлиқ тәтқиқатчилар болса, уйғур елида һазир илгири көрүлүп бақмиған дәриҗидә қаттиқ «сақчи дөлити системиси» йүргүзүлүватқанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт