Ürümchide "4-Nöwetlik xitay yawru-asiya bixeterlik körgezmisi" bashlan'ghan

Muxbirimiz irade
2017-08-17
Share

17-Awghust küni ürümchidiki xelq'araliq yermenke merkizide "4-Nöwetlik xitay yawru-asiya bixeterlik körgezmisi" bashlan'ghan bolup, yermenkide bixeterlik qoghdash we saqchi qisimliri ishlitidighan türlük herbiy esliheler körgezme qilin'ghan iken.

"Junggo xewerler" tori in'glizche qilip tarqatqan xewiride, bu yermenkige 30 din oshuq dölettin kelgen 5000 dek orun we shexsning qatnashqanliqini, körgezmide türlük yuqiri téxnikiliq üsküniler, bolupmu süzüklük derijisi intayin yuqiri bolghan bixeterlik kaméraliri, uchquchisiz ayropilan we mashina ademlerning körgezme qilin'ghanliqini bayan qilghan.

Xitay hökümiti 2014-yili Uyghur élida "Tunji nöwetlik xitay yawru-asiya bixeterlikni qoghdash yermenkisi" we "10-Nöwetlik shinjang térrorluqqa qarshi turush esliheliri körgezmisi" ni échip, buni her yili dawam qilip kelmekte.

Chet'ellerdiki Uyghur közetküchiler, xitay hökümitining bundaq yermenkiler arqiliq bir yaqtin özining Uyghur élidiki basturush heriketlirini xelq'araliq térrorluqqa qarshi turush nami astida qanuniylashturush we uni xelq'aralashturushni meqset qilghan bolsa, yene bir yaqtin bu Uyghurlarning rohini sundurushni meqset qilghan, dep qarimaqta.

Halbuki, xitay hökümitining Uyghur élida hazir heddidin ziyade bixeterlik tedbirlirini élishi we minglap‏-onminglap saqchi qoshuni seplishi xelq'aradiki kishilik hoquq organlirining küchlük tenqidige uchrimaqta. Adriyan zénz we jeymis lébold qatarliq tetqiqatchilar bolsa, Uyghur élida hazir ilgiri körülüp baqmighan derijide qattiq "Saqchi döliti sistémisi" yürgüzülüwatqanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.