Уйғур райони даирилири һөкүмәт сорунлирида һарақ қуюшни чәклигән

Мухбиримиз әркин
2016-10-07
Share

Уйғур районида мусулман уйғур дукандарларни һарақ сетишқа мәҗбурлиған даириләр йеқинда уқтуруш чиқирип, һөкүмәт, сот вә аммиви тәшкилатларниң зияпәт вә башқа рәсмий паалийәтлиридә һарақ қуюшни чәклигән.

Хитай “йәр шари вақти”гезити” ниң ашкарилишичә, бу бәлгилимидә һәр қандақ шәхс вә органниң кәчлик зияпәт дахил рәсмий паалийәтләрдә һарақ қуюши яки испиртлиқ ичимликләрни қуюши мәни қилинған.

Хәвәрдә, буниң партийә, һөкүмәт, қанун органлири, иҗтимаий тәшкилат вә аммиви органларға қаритилғанлиқини, әмма ташқи ишлар вә мәбләғ җәлп қилишқа алақидар паалийәтләр бу бәлгилимигә дахил әмәсликини билдүргән.

Хитай илгири мусулман уйғур дуканларни һарақ сетишқа мәҗбурлиған, районда йәрлик даириләрниң һөкүмәт сорунлирида һарақни чәклиши диққәт қозғиди. 2015-Йили 5‏-айда уйғур илиниң җәнубидики бәзи йезиларда даириләрниң йәрлик мусулман уйғур дукандарға һарақ сетишни таңғанлиқи, һарақ сетишни рәт қилған дуканларни “диний радикаллиқ” тәсири бар дәп,дуканлирини тақашқа мәҗбурланғанлиқи ашкариланған. Җәнубий уйғур илиниң ақташ йезиси компартийә ячейкисиниң кадири адил сулайман, мәҗбурий һарақ -тамака сетиш қарари “диндарлиқниң күчийип, муқимлиққа тәсир йәткүзүшигә қарши чиқирилғанлиқи”ни билдүргән иди.

Хитай “йәр шари вақти гезити” ниң билдүрүшичә, уйғур или хитай һөкүмәт сорунлирида һарақ қуюшни чәкләш бәлгилимиси чиқарған 7‏‏-өлкә, аптоном район икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт