Uyghur rayoni da'iriliri hökümet sorunlirida haraq quyushni chekligen

Muxbirimiz erkin
2016-10-07
Share

Uyghur rayonida musulman Uyghur dukandarlarni haraq sétishqa mejburlighan da'iriler yéqinda uqturush chiqirip, hökümet, sot we ammiwi teshkilatlarning ziyapet we bashqa resmiy pa'aliyetliride haraq quyushni chekligen.

Xitay “Yer shari waqti”géziti” ning ashkarilishiche, bu belgilimide her qandaq shexs we organning kechlik ziyapet daxil resmiy pa'aliyetlerde haraq quyushi yaki ispirtliq ichimliklerni quyushi men'i qilin'ghan.

Xewerde, buning partiye, hökümet, qanun organliri, ijtima'iy teshkilat we ammiwi organlargha qaritilghanliqini, emma tashqi ishlar we meblegh jelp qilishqa alaqidar pa'aliyetler bu belgilimige daxil emeslikini bildürgen.

Xitay ilgiri musulman Uyghur dukanlarni haraq sétishqa mejburlighan, rayonda yerlik da'irilerning hökümet sorunlirida haraqni cheklishi diqqet qozghidi. 2015-Yili 5‏-ayda Uyghur ilining jenubidiki bezi yézilarda da'irilerning yerlik musulman Uyghur dukandargha haraq sétishni tangghanliqi, haraq sétishni ret qilghan dukanlarni “Diniy radikalliq” tesiri bar dep,dukanlirini taqashqa mejburlan'ghanliqi ashkarilan'ghan. Jenubiy Uyghur ilining aqtash yézisi kompartiye yachéykisining kadiri adil sulayman, mejburiy haraq -tamaka sétish qarari “Dindarliqning küchiyip, muqimliqqa tesir yetküzüshige qarshi chiqirilghanliqi”ni bildürgen idi.

Xitay “Yer shari waqti géziti” ning bildürüshiche, Uyghur ili xitay hökümet sorunlirida haraq quyushni cheklesh belgilimisi chiqarghan 7‏‏-ölke, aptonom rayon iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet