Xelq'ara muxbirlar teshkilati 2014 - yili xongkongning metbu'at erkinliki chékin'genlikini bildürdi

Muxbirimiz irade
2015-01-28
Share


Xelq'ara muxbirlar teshkilati 26 - yanwar düshenbe élan qilghan xongkongning 2014 - yilliq metbu'at erkinliki doklatida, 2014 - yili xongkongning metbu'atliri "Perde arqisidiki namelum qara qolning kontrol qilishigha uchrawatqan ehwal éghirlashqan" liqini tilgha élip, xongkongda metbu'at erkinlikining chékin'genlikini bildürdi.

Xelq'ara muxbirlar teshkilatining doklatida 2014 - yili xongkongda yüz bergen démokratik namayish we bashqa birqanche qétimliq weqelerde "Alma géziti؛, "Mingbaw géziti" qatarliq metbu'atlarning her xil bésimlargha uchrighanliqi tilgha élin'ghan. Xewerde yene xitay chong quruqluqidiki metbu'at erkinlikining 2014 - yili eng qattiq basturushqa uchrighanliqi otturigha qoyulup, "Nöwettiki xitay chong quruqluqining weziyiti 15 yildin buyanqi eng qarangghu halette" dep teswirlen'gen.

Firansiye agéntliqi we gérmaniye awazining düshenbe künidiki xewerliride xelq'ara muxbirlar teshkilatining "Xongkong metbu'at erkinliki perde arqisidiki qara qollarning kontrolluqigha uchrawatidu. Xelq'ara muxbirlar teshkilati chong quruqluq we xongkongdiki soda sahesidikilerge, erkin we musteqil metbu'atlarning soda muhitida muhim roli barliqini agahlandurimiz" dégen chaqiriqi neqil élin'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet