Хоңкоң намайишини тәшкиллигүчиләрниң ачлиқ елан қилиши диққәт қозғиди

Мухбиримиз меһрибан
2014.12.02


Хоңкоңда давамлишиватқан демократийини тәләп қилиш һәрикитиниң йетәкчилиридин хуаң җифең қатарлиқ үч оқуғучи 1 - декабир ачлиқ елан қилип, хитай мәркизи һөкүмити вә хоңкоң йәрлик һөкүмитидин оқуғучиларниң сөһбәт өткүзүш вә хоңкоң әмәлдарини демократик сайлам арқилиқ бекитиш тәлипини қобул қилишни тәләп қилған иди. Уларниң бу һәрикити нөвәттә хәлқара кишилик һоқуқ тәшкилатлири, һәрқайси дөләт вә һөкүмәтләр шундақла хәлқара мәтбуатларниң диққитини қозғимақта.

2 - Декабир сәйшәнбә күни ашлиқ елан қилған 3 нәпәр оқуғучидин хоңкоң оқуғучилар уюшмисиниң башлиқи, хуаң җифең радиомизниң зияритини қобул қилип, ашлиқ елан қилғанға 22 саәттин ашқан болсиму, өзиниң саламәтлик әһвалиниң һазирчә яхшилиқини билдүрди. У йәнә һөкүмәт даирилири хоңкоң намайишчилириниң демократик тәләплирини қобул қилғанға қәдәр өзлириниң ачлиқ елан қилиш һәрикитини давамлаштуридиғанлиқини билдүрди.

Хоңкоңда демократийини тәләп қилиш һәрикити бу йил 30 - сентәбир башланған болуп, хоңкоң йәрлик һөкүмити вә хитай мәркизи һөкүмити намайишчиларниң тәләплиригә қарита һазирға қәдәр қанаәтлинәрлик җаваб бәрмигән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.