Хоңкоңда тйәнәнмен вәқәси мунасивити билән намайиш өткүзүлди

Мухбиримиз үмидвар
2015-05-31
Share


Йәкшәнбә күни хоңкоң пуқралири көлими бир қәдәр кәң намайиш өткүзүп, 4 - июн тйәнәнмен вәқәсини хатирилиди. Намайишчилар өзлириниң бу һәрикитини " 4 - июн вәтәнпәрвәрлик демократик намайиши" дәп атиған болуп, әнглийә б б с агентлиқиниң намайиш һәққидики хәвиридә ейтилишичә, намайишчилар хитай мәркизий һөкүмитиниң хоңкоңдики башқуруш оргини алдиға берип, мәркизий һөкүмәттин тйәнәнмен вәқәсини ақлашни һәмдә хитайдики демократик һәрикәтләрни қоллашни тәләп қилған.

Намайишни хоңкоң вәтәнпәрвәрлик вә демократийәни қоллаш бирләшмиси дәп аталған тәшкилат уюштурған.

Мәзкур тәшкилат бу намайишқа 3000 адәм қатнашқанлиқини билдүрсиму, әмма сақчи тәрәп, әң көп болғанда 900 дин артуқ адәм қатнашқанлиқини билдүрди.

Бу йил 4 - июн күни 1989 - йилидики тйәнәнмен вәқәсигә 26 йил тошиду, бу мунасивәт билән чәтәлләрдики хитай демократик һәрикәт гуруппилири түрлүк шәкилдә хатириләш паалийәтлирини башливәткән болуп, хоңкоңда һәр йили чоң көләмдә намайиш өткүзүп, тйәнәнмен вәқәсини хатириләш һәм һөкүмәттин вәқәни ақлашни тәләп қилиш адәткә айланған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт