Xongkong studéntliri ilmiy erkinlikining tariyiwatqanliqidin shikayet qildi

Muxbirimiz jüme
2015-07-29
Share


Xongkong démokratiye herikitini qollighan proféssorning xongkong uniwérsitétining mu'awin mudirliq ornigha östürülüshi kéchiktürülgendin kéyin, 100 din artuq uniwérsitét oqughuchisi 28 - iyul kechqurun mezkur proféssorning xizmet ishi muzakire qiliniwatqan yighin zaligha bésip kirip naraziliq bildürdi.

Melum bolushiche, sabiq qanun fakultét mudiri chén wénminni östürüsh teklipi ötken yili dékabirda mektep bashqurush hey'itige sunulghan. Teklipni xongkong uniwérsitéti prézidénti pétir metyson özi bergen iken.

Halbuki, mezkur bashqurush hey'iti ichide béyjingperes ezalarmu bar bolghachqa ular chénning östürülüsh ishini basturup qoyghan.

Mektep bashqurush hey'iti seyshenbe kündiki yighindimu chén wénminning östürülüsh ishni yene kéchiktürgen.

Buningdin narazi bolghan oqughuchilar yighin zaligha basturup kirgen we “Rezillik, rezillik” dep warqirashqan. 100 Din artuq oqughuchi yighin zali etrapigha yighilip proféssor chén wénminni qollaydighanliqini bildürgen.

Ular xongkongdiki ilmiy tetqiqat erkinlikining barghanche tariyiwatqanliqidin shikayet qilghan.

Chén wénmin ötken yili xongkong oqughuchiliri 3 ay dawamlashturghan démokratiye namayishini qollighan proféssorlarning biri bolup, uning ilmiy maqalliri xitayda chiqidighan metbu'atlarda cheklen'gen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet