HSBC "Shinjang paxtiliri" ning kélish menbesini nazaret qilishning yéngi charisini otturigha qoyghan

Muxbirimiz erkin
2021-02-15
Share

HSBC, yeni bash shtabi londondiki banka we maliye-iqtisad guruhining séray digital soda munbiri kiyim-kéchek sana'itidiki paxta we bashqa xam matériyallirining kélish menbesini nazaret qilishning bir charisini otturigha qoyghan. "Jenubiy xitay seher pochtisi" gézitining xewer qilishiche, HSBC Uyghur élide ishlepchiqirilghan paxta mehsulati amérikaning cheklishige uchrighanliqi üchün xam eshya menbesini iz qoghlap éniqlashning bu xil yéngi charisini otturigha qoyghan. Amérika hökümiti ötken yili xitayning Uyghur mejburiy emgiki seweblik Uyghur élide ishlepchiqirilghan paxta, pemidur mehsulatlirini kirgüzüshni birdek chekligenidi.

"Jenubiy xitay seher pochtisi" ning bildürüshiche, HSBC ning yéngi hel qilish chariside mal bilen teminligüchi özlirining xam eshyani qandaq ishlepchiqarghanliqidin tartip, mehsulat pishshiqlap ishlesh we éksport qilishqiche bolghan her bir basquchni digital soda munbirining sanliq melumat ambirigha kirgüzidiken. HSBC Séray digital supisining ijra'iye diréktori wiwek ramachandiran mundaq dégen: "Bu supa pütkül teminat zenjirige éniqliq we ochuqluq élip kélidu we her bir basquchtiki sanliq melumatni mustehkemleydu".

Xewerde éytilishiche, bu chare amérika qanun maqullap, "Shinjangdiki Uyghur we bashqa az sanliq milletlerning kishilik hoquqining depsende qilinishigha qarshi turuwatqan mezgilde mal sétiwalghuchi we satquchining paxta we bashqa matériyallarning kélish menbesini ispatlishigha yardem béridiken". Xewerde xitayning dunyadiki eng chong paxta ishlepchiqarghuchi dölet ikenliki, uning 85 % paxtisining Uyghur élide ishlepchiqirilghanliqi, amérikaning 2019-yili xitaydin 50 milyard dollarliq toqumichiliq mehsulati import qilghanliqi bildürülgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet