Австралийә мутәхәсислири “хуавей” ниң уйғур районидики бастуруш һәркәтлиригә техника җәһәттин ярдәм қилғанлиқини ашкарилиди

Мухбиримиз шөһрәт һошур
2019-11-29
Share

Австралийә стератегийәлик сиясәт тәтқиқат орни “хуавей” ширкитиниң хитайниң уйғур районидики бастуруш һәркәтлиригә техника җәһәттин һәмкарлашқанлиқиниң дәлиллирини ашкарилиған.

“хуавей” ширкитиниң хәлқара вакаләтчилиридин җон суффолк бу йил 6‏-айда қилған сөзидә өзлириниң уйғур районидики бихәтәрлик саһәсигә бивастә мулазимәт қилмайдиғанлиқи, пәқәт улар билән3 ‏-тәрәп тохтамлашқучи сүпитидә тиҗарәт қилидиғанлиқини илгири сүргән иди. 

Австралийәниң мәзкур тәтқиқат орни төнүгүн елан қилған доклатида “хуавей” ширкитиниң өзиниң язма материяллириға асасән униң қарамай җ х идариси, ақсу вилайәтлик җ х башқармиси вә үрүмчи шәһәрлик җ х идарилири билән бирқанчә хил техникалиқ мулазимәтләрдә һәмкарлашқанлиқини оттуриға қойған. Доклатта йәнә “хуавей” ниң шинҗаң радио-теливизийә тор һәссидарлиқ ширкити биләнму һәмкарлиқи барлиқи оттуриға қоюлуп, мәзкур ширкәтниң хизмәт ғайиси “уйғур райониниң иҗтимаий муқимлиқ вә әбәдий әминлик хизмитидики нәтиҗилири тоғрилиқ иҗабий җамаәт пикри пәйда қилиш” икәнлики әскәртилгән. 
Австралийәниң мәзкур тәтқиқат орниниң мутәхәсислиридин викий шү ханим бүгүн “йәр шари вә почта” гезитигә қилған сөзидә “‛хуавей‚ ниң шинҗаңдики даириләр билән бивастә һәмкарлашмидуқ дегини пүтүнләй мәнтиқисз,” дегән. “хуавей” ниң уйғур районидики даириләр билән һәмкарлиқиниң “һикивижйон” ширкитидин пәрқсиз икәнликини тәкитлигән викий шү ханим “хуавей” ниң “һөкүмәт немини буйруса, шуни һеч иккиләнмәй иҗра қилидиған бир ширкәт” икәнликини әскәрткән.

Мәлум болушичә, мәзкур доклатта “тик-ток” ширкитиниңму хитай билән һәмакарлашқанлиқиниң дәллири оттуриға қоюлған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт