Һюго бос ширкити уйғур мәҗбурий әмгики мәсилисидә кишилик һоқуқ органлири билән келишкән

Вашингтондин мухбиримиз ирадә тәйярлиди
2024.05.09

Германийәниң даңлиқ кийим-кечәк ширкити һюго бос (HUGOBOSS) тәминләш зәнҗиридики уйғур мәҗбурий әмгикини һәл қилиш һәққидә кишилик һоқуқ органлири билән келишкән.

“мода саһәсидики мәҗбурий әмгәкни аяғлаштуруш” намлиқ гуруппиниң 8- май күни җакарлишичә, һюго бос ширкити кишилик һоқуқ органлири билән учришип, тәминләш зәнҗиридики мәҗбурий әмгәк мәсилисини һәл қилишқа қошулған болуп, буниңға мунасивәтлик “қайил қиларлиқ җаваб яки чарә” ни оттуриға қойидиғанлиқи һәққидә вәдә бәргән.

Мәзкур гуруппа “X” тики инкасида һюго бос ширкитиниң кишилик һоқуқ органлири билән келишим һасил қилғанлиқини тәбрикләш билән биргә, техиму көп мода кийим-кечәк маркилирини шундақ қилишқа дәвәт қилған.

Улар учурида, нөвәттә гес (GUESS), ливайс(LEVIS), найки (Nike) вә зара (ZARA ) қатарлиқ 7 маркиниң мәҗбурий әмгәк сәвәбидин тәкшүрүлүватқанлиқини билдүргән.

2021- Йили кишилик һоқуқ паалийәтчилири, университет оқуғучилири вә тәсири күчлүк шәхсләр бирликтә қурған “мода саһәсидики мәҗбурий әмгәкни аяғлаштуруш” гурупписи дунядики мода кийим маркилириниң уйғур мәҗбурий әмгикидин пайда елишини аяғлаштуруш мәқситидә қурулған болуп, шуниңдин буян уйғур мәҗбурий әмгикигә хатимә бериш үчүн хизмәт қилмақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.