Хунән алий сотидики бир давада күтүлмигән һалда әзрдар ана утуп чиқти

Мухбиримиз шөһрәт һошур
2013-07-15
Елхәт
Пикир
Share
Принт

Хунән алий сот мәһкимиси бүгүн бир әрздар аялниң юңҗю шәһәрлик әмгәк билән тәрбийиләш комитети үстидин сунған давасиға қарап чиқип, униң әрзини қисмән тәстиқлиған. Сот давагәрниң тәлипи бойичә җавапкар тәрәпни давагәргә 2651 сом төләм төләшкә буйриған.

Әслидә давагәр өзини наһәқ һалда 1 йерим йиллиқ қамаққа һөкүм қилған мәзкур комитеттин төләм тәләп қилиш билән бирликтә, өзидин язма һалда әпу соришиниму тәләп қилған. Алий сот униң кейинки тәлипини рәт қилған.

Хитайчә б б с ниң бу һәқтики хәвиридә баян қилинишичә, таң хуйниң 11 яшлиқ қизи бир қара гуруһ тәрипидин паһишиликкә селинип зиянкәшликкә учриған. Сотниң қара гуруһ әзалириға бәргән җазасиға рази болмиған таң хуй район атлап әрз қилишқа башлиған. Бу қилмиши үчүн, өткән йили юңҗю шәһәрлик әмгәк билән тәрбийиләш комитети униңға бир йерим йиллиқ қамақ җазаси бәргән, әмма арқидин җамаәт пикриниң бесими билән җазани әмәлдин қалдурған. Әмма алий сот униң бу тәлипини рәт қилған. Адәттә әрздарларниң сотта утуп чиқиши хитайда интайин кәм учрайдиған бир әһвал болғачқа, бу, хитай җәмийитидә зор ғулғула қозғиди. Бәзиләр әпуниң төләмдин муһим икәнликини, чүнки берилгән төләм пулиниң униң әрз чиқиминиң азғина бирқисиминиму толдуралмайдиғанлиқини билдүрсә, бәзиләр һөкүмгә «кечиккән адаләт, адаләт әмәс» дәп наразилиқ билдүрди.

Пикирләр (0)
Share
Толуқ бәт