Xunen aliy sotidiki bir dawada kütülmigen halda ezrdar ana utup chiqti

Muxbirimiz shöhret hoshur
2013-07-15
Share

Xunen aliy sot mehkimisi bügün bir erzdar ayalning yungjyu sheherlik emgek bilen terbiyilesh komitéti üstidin sun'ghan dawasigha qarap chiqip, uning erzini qismen testiqlighan. Sot dawagerning telipi boyiche jawapkar terepni dawagerge 2651 som tölem töleshke buyrighan.

Eslide dawager özini naheq halda 1 yérim yilliq qamaqqa höküm qilghan mezkur komitéttin tölem telep qilish bilen birlikte, özidin yazma halda epu sorishinimu telep qilghan. Aliy sot uning kéyinki telipini ret qilghan.

Xitayche b b s ning bu heqtiki xewiride bayan qilinishiche, tang xuyning 11 yashliq qizi bir qara guruh teripidin pahishilikke sélinip ziyankeshlikke uchrighan. Sotning qara guruh ezalirigha bergen jazasigha razi bolmighan tang xuy rayon atlap erz qilishqa bashlighan. Bu qilmishi üchün, ötken yili yungjyu sheherlik emgek bilen terbiyilesh komitéti uninggha bir yérim yilliq qamaq jazasi bergen, emma arqidin jama'et pikrining bésimi bilen jazani emeldin qaldurghan. Emma aliy sot uning bu telipini ret qilghan. Adette erzdarlarning sotta utup chiqishi xitayda intayin kem uchraydighan bir ehwal bolghachqa, bu, xitay jem'iyitide zor ghulghula qozghidi. Beziler epuning tölemdin muhim ikenlikini, chünki bérilgen tölem pulining uning erz chiqimining azghina birqisiminimu tolduralmaydighanliqini bildürse, beziler hökümge "Kéchikken adalet, adalet emes" dep naraziliq bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.