Хитай түрмисидики һүсәйин җелил үчүн мәктуп йезиш паалийити башланди

Мухбиримиз ирадә
2015-05-28
Share

Хәлқара кәчүрүм тәшкилатиниң канадада турушлуқ әзалири хитай түрмисидә йетиватқан канада пуқраси һүсәйин җелил үчүн мәктуп йезиш паалийити уюштурған.

"нягра хәвәрләр тори" ниң ейтишичә, мәктуп йезиш паалийитидә алди билән һүсәйин җелил давасиға мәсул болған вилф руләнд сөз қилған. У сөзидә, хитай түрмисидә риязәт чекиватқан һүсәйин җелилниң худди кинолардикидәк сәргүзәшти барлиқини, хитайдики риязәттин шунчә тәстә қутулуп чиққан болсиму, бәхткә қарши өзбекистанға барғанда қолға елинип хитайға қайтуруп берилгәнликини баян қилип өткән.

У шундақла әскәртип "хитай дөлити гәрчә һүсәйин җелилни террорчи дәп илгири сүрсиму, әмма хәлқара кәчүрүм тәшкилати уни бир кишилик һоқуқ қоғдиғучиси, дәп қарайду" дегән.

Игилинишичә, бу мәктуп йезиш һәрикитидә һүсәйин җелил үчүн йезилған мәктуплар хитай дөләт башлиқлириға, канада баш министири стивин харпер вә шуниңдәк башқа дөләт рәһбәрлиригә әвәтилидикән. Улар йәнә 17-июн күни һүсәйин җелил үчүн йәнә бир йиғилиш уюштуридикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт