Ichki mongghulda saqchilar namayishchilardin 100 din artuq kishini yarilandurghan, 50 nechche kishini tutqun qilghan

Muxbirimiz qutlan
2015-04-06
Share

"Mongghul xewerliri" bilogining 4-apirildiki xewirige qarighanda, ötken shenbe küni chüshtin kéyin ichki mongghulning nayman xoshunida 500 neper saqchi üch heptidin buyan shu jaydiki ximiye zawutini qorshiwalghan namayishchilarni zorluq küch bilen tarqaqlashturghan.

Melum bolushiche, saqchilar tok kaltek we bashqa zorawanliq qorallirini ishqa sélip namayishchi puqralardin 100 köp kishini yarilandurghan, 50 nechche kishini tutqun qilghan.

Nayman xoshunidiki ximiye zawutini qorshiwélish weqesi 3-ayning 20-künidin étibaren bashlan'ghan bolup, etraptiki 7 kenttin toplan'ghan awam puqralar mezkur zawutni taqashni telep qilghan. Netijide puqralarning bésimi bilen mezkur zawut 3-ayning 24-küni ishtin toxtashqa mejbur bolghan.

Xewerde déyilishiche, mezkur ximiye zawuti nayman xoshunining su menbesi we ormanlirini bulghap, yerlirini qaqaslashturiwetken. Puqralar köp qétim hökümet orunlirigha erz qilip mezkur zawutni toxtitishni telep qilghan bolsimu, lékin yerlik hökümet perwa qilmighan.

Saqchilar bilen puqralar otturisidiki bu qétimliq qanliq toqunush heqqide xitay hökümet taratquliri köp xewer bermigen bolsimu, emma ijtima'iy taratqularda zor ghulghula qozghalmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet