Ichki mongghulning tunglyaw shehiridiki mongghullarning naraziliq namayishi dawamlashmaqta

Muxbirimiz irade
2016-04-12
Share


8 - April jüme küni ichki mongghulning tunglyaw shehiride bashlan'ghan mongghullarning xitay karxanilirining muhit bulghishigha qarshi naraziliq namayishi 12 - april seyshenbe küni 4 - künige qedem qoydi. Charwichilar hökümet teripidin tutqun qilin'ghan namayishchilar bashliqi nurshun hurichni qoyup bérishni telep qilghan.

Radiyomiz seyshenbe küni igiligen eng yéngi ehwallardin melum bolushiche, seyshenbe etigen 200 din artuq mongghul charwichi, bazarliq hökümet aldigha yighilip, shu küni seherde saqchilar teripidin tutup kétilgen namayishchilar bashlamchisi norshun hurichni derhal qoyup bérishni, nahiyidiki alyumin zawuti tesiridin zeherlinip ölgen charwiliri üchün tölem töleshni we qoghushun zawutini derhal taqashni telep qilghan.

Melum bolushiche, nurshun hurich ötken hepte tunji qétim ammiwi taratqulargha nahiyidiki alyumin zawuti qoyup bergen zeherlik kéreksiz maddilar sewebidin ölgen charwilar heqqidiki sin'alghuni yollap, nahiyidiki muhit bulghinishining emeliy ehwalini jem'iyetke ashkarilighan. U, özi béqiwatqan charwilar ichidila 30din 40 tuyaqqiche qoyning zeherlinip ölgenlikini bayan qilip, bu yil chaghan mezgilidin bashlap charwichilarning qoylirining her küni 3 - 4 tin türküm - türkümlep ölüwatqanliqini shikayet qilip, bazarliq hökümettin qoghushun zawutini derhal taqashni we charwichilarning ölgen qoyliri üchün tölem töleshni telep qilghan.

Radi'omizgha ehwalni inkas qilghuchining bildürüshiche, nurshun hurichning teshebbusi bilen ötken heptining jüme künidin bashlap mongghul charwichilar bazarliq hökümet aldigha yighilip naraziliq namayishini dawamlashturup kelgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet