Ichki mongghulning bayannur shehiridiki mongghullar tutqun qilin'ghan charwichilarni qoyup bérishni telep qildi

Ichki mongghulning gherbiy qismidiki bayannur shehiri ottura urat xoshunidiki mongghullar, 9-may düshenbe küni namayish qilip, 5-may küni da'iriler teripidin tutqun qilin'ghan 5 neper mongghul charwichini qoyup bérishni telep qildi. Melum bolushiche, bu besh neper charwichi xitay shirketlirining yaylaqni igiliwélishigha naraziliqini bildürgenliki üchün, saqchilar teripidin tutqun qilin'ghan.

Radi'omiz igiligen ehwallardin melum bolushiche, düshenbe küni yüzdin artuq mongghul charwichi, nahiyilik hökümet aldigha yighilip, xitay shirketlirining yaylaqtiki yerlerni igiliwélishigha naraziliq bildürgen we ötken peyshenbe tutqun qilin'ghan 5 charwichini qoyup bérishni telep qilghan.

Yéqinqi yillardin buyan xitay shirketlirining ichki mongghulda yaylaqlarni igiliwélip qurghan zawut, kanliri yaylaq muhiti we suni bulghap, ademlerning, mal-charwilarning zeherlinishi hetta ölüsh hadisilirini peyda qilishi mongghullarning naraziliq namayishlirigha seweb bolghan. Ötken ayda yeni 8-aprél jüme küni ichki mongghulning tunglyaw shehiride xitay karxanilirining muhit bulghishigha qarshi naraziliq namayishi yüz bergen.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar