Ichki mongghul shilin'ghul aymiqida naraziliq bildürgen mongghullar tutqun qilindi

Muxbirimiz méhriban
2015-09-08
Share


6 - Séntebir yekshenbe küni ichki mongghulning shilin'ghul aymiqida hökümetke naraziliq bildürgen mongghul charwichiliri tutqun qilindi. Radiyomiz igiligen ehwallardin melum bolushiche, mongghullarning naraziliq herikiti seyshenbe künimu dawamlishiwatqan bolup, bügün 100 din artuq mongghul nahiyilik hökümet aldida jim olturuwélip naraziliq bildürürgen we hökümettin tutqun qilin'ghanlarni qoyup bérishni telep qilghan.

Chet'ellerdiki mongghul teshkilatliridin yaponiyidiki jenubiy monggholiye xelq partiyisining katibi kerid kwasgalt ependining bildürüshiche, tutqun qilinish weqesi 6 - séntebir yekshenbe küni ichki mongghulning shilon'ghul aymiqi shulunsaxa xoshutida yüz bergen. Uning bildürüshiche, bu yil yéghin az bolghini üchün shilin'ghul yayliqida yaziche qattiq qurghaqchiliq bolghan. Yaylaqtiki su menbeliri we taghdiki muzluqlar xitay shirketliri teripidin igiliwélin'ghanliqi üchün, yaylaqtiki ot - chöpler qurup, mal - charwa we mongghul charwichilirining ichimlik su mesilisimu qiyinlashqan. Bu ehwaldin narazi bolghan birnechche yüz mongghul yekshenbe küni yaylaqtiki ot - chöplerning qurup kétishige sewebchi bolghan xitay shirketliri üstidin erz qilish we su qisliqi mesilisini hel qilishni telep qilip, shilin'ghul aymiqi yeni nahiyilik hökümetke barghinida saqchilar teripidin tutqun qilin'ghan. Kerid ependi ular igiligen melumatta seyshenbe künige qeder 30 din artuq kishining tutqun qilin'ghanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet