Шаңхәй һәмкарлиқ тәшкилати башлиқлар йиғини өзбекистанниң ташкәнт шәһиридә башланди

Мухбиримиз әркин
2016-06-23
Share

Шаңхәй һәмкарлиқ тәшкилатиға әза русийә, хитай, қазақистан, қирғизистан қатарлиқ дөләтләр башлиқлириниң йиғини пәйшәнбә күни өзбекистанниң ташкәнт шәһиридә башланди. Бу, мәзкур тәшкилатниң 16-нөвәтлик башлиқлар йиғини. Хитай рәиси ши җинпиң сәйшәнбә күни ташкәнткә йетип кәлгән.

2 Күнлүк йиғинда бихәтәрлик, террорлуқ мәсилиси, афғанистан вәзийити, пакистан, һиндистан, иран қатарлиқ дөләтләрни әзалиққа қобул қилиш қатарлиқ мәсилиләр музакирә қилинидикән.

Өзбекистан муавин ташқи ишлар министири әнивәр насироф, бу йиғинда ш һ т ниң 2016‏ вә 2020‏-йиллиқ һәрикәт пилани оттуриға чиқидиғанлиқини, һәрикәт пилани сиясий, иқтисади, бихәтәрлик, мәдәнийәт ишлиридики конкрет һәрикәт мизанлирини өз ичигә алидиғанлиқини билдүргән.

Уйғур паалийәтчиләр ш һ т хитайниң уйғурларни контрол қилишиға, уйғур районида кишилик һоқуққа бузғунчилиқ қилишиға изчил зич маслишиватқанлиқини илгири сүрүп кәлди.

Һалбуки, хитай иҗтимаий пәнләр академийәсиниң русийә‏-оттура асия тәтқиқатчиси ли җинфең “хитай хәвәрләр” гезитигә бәргән баянида, ш һ т ға әза дөләтләрниң бөлгүнчилик, террорлуқ вә диний радикаллиқниң тәһдитигә учраватқанлиқини тәкитләп, “бу йиғин бу тәһдиткә тақабил турушни нуқтилиқ музакирә қилиши керәк” дегән.

Бу йиғинда 2017-йили һиндистан билән пакистанни әзалиққа қобул қилиш қарарға бағлиниши мумкин. Әмма пәйшәнбә күни русийәниң иранниң әзалиқини қарарға бағлаш тәклипи хитайниң рәт қилишиға учриди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт