Канадалиқ икки адвокат австралийә парламентиға хитайдики адәм органлири әткәсчилики һәққидә шикайәт қилған

Мухбиримиз қутлан
2016-11-21
Share

Канадалиқ икки нәпәр адвокат австралийә парламентиға шикайәт сунуп, хитай түрмилиридики сиясий мәһбусларниң ички әзалирини йөткәп сетиш қилмишиға қарши бир тәклип лайиһисини тәстиқлашни тәләп қилған.

Бирләшмә агентлиқниң бу һәқтики хәвиригә қариғанда, адвокатларниң бири канаданиң сабиқ тәптиши вә асия-тинч окян мәсилилири бойичә дөләт ишлири катипи давид килгор, йәнә бири канададики даңлиқ кишилик һоқуқ адвокатлиридин давид матас икән.

Улар австралийә парламентиға сунған шикайитидә хитайниң йилиға 60 миңдин 100 миңға қәдәр мәһбусларниң ички органлирини йөткәп сатидиғанлиқи һәққидә дәлил-испат көрситәләйдиғанлиқини билдүргән.

Мәзкур икки адвокат йәнә хитай йөткәп сетиватқан адәм органлириниң түрмидики фалунгоң муритлири, уйғур сиясий мәһбуслири, тибәт раһиблири вә хитай христиан муритлириниң болуши мумкинликини илгири сүргән.

Сиднейдики хитай әлчиханиси бу һәқтә һазирға қәдәр һечқандақ инкас қайтурмиған. Һалбуки, америка ташқи ишлар министирлиқи бу йил июнда америка дөләт мәҗлисигә хитайдики адәм органлири әткәсчилики һәққидә доклат сунғанда хитай тәрәп буни "асассиз әйибләш" дәп рәт қилған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт