Ürümchige qarap uchqan ikki ayropilan bomba bolush éhtimalliqi bilen qonushqa mejbur boldi

Muxbirimiz irade
2014-05-22
Élxet
Pikir
Share
Print

Bügün ürümchige qarap uchuwatqan ikki ayropilan bomba bolush éhtimalliqi bilen qonushqa mejbur bolghan. Shinxu'a agétliqining bu xewiridin qarighanda, xitaydiki jishyang hawa yollirigha a'it ikki ayropilan ürümchige qarap uchup kétiwatqanda uchquchilar ayropilanda bomba barliqi, bir yoluchining téléfon arqiliq tehditke uchrighanliqi heqqide xewer alghan. Buning bilen bu ikki ayropilan ayrim-ayrim halda lenju we nenjing ayrodromlirigha qon'ghan.

Mejburiy qonushtin kéyin barliq yoluchilar ayropilandin chüshürülgen we ayropilanning yük-taq bölümliri qattiq tekshürülgen. Emma kéyin da'iriler ayropilandin partlatquch boyum tépilmighanliqini bildürdi.

Xewerlerdin qarighanda, ürümchidiki partlash weqesidin kéyin xitaydiki ayrodromlarda bixeterlik tedbirliri chingitilghan. Shangxeydin ürümchige qarap uchidighan ayropilanlar alahide qattiq tekshürülmekte iken. Ürümchidiki partlitish weqesining zenjirsiman weqe ikenliki we uning bashqa jaylardimu yüz bérishi mumkinliki heqqidiki xewerler tarqalghachqa, bu, da'irilerni qattiq chöchütken. Ürümchi shehiri we shundaqla bashqa jaylarda bixeterlik tedbirliri qatmu-qat chingitilghan.

Toluq bet