Җәнуби корейә: “шимал билән келишим түзүлгән тәқдирдиму америка армийәси чекинмәслики керәк”

Мухбиримиз шөһрәт һошур
2018-05-02
Share

Бүгүн җәнуби корейә президенти мон җейинниң баянатчиси, “җәнуб билән шимал икки тәрәп арисида тинчлиқ келишими имзаланған тәқдирдиму җәнуби корейәдики америка армийәсиниң корейә йерим арилидин айрилмаслиқи керәклики” ни ейтқан.

Ройтерус агентлиқиниң бу һәқтики хәвиридә баян қилинишичә, президент мон җейинниң мәслиһәтчиси алдинқи күнләрдә бир мақалә елан қилип, шимал билән җәнуб арисида тинчлиқ келишими имзаланғандин кейин америка армийәсиниң җәнубий корейәдики мәвҗутлуқиниң қануний асаси йоқайдиғанлиқини илгири сүргән.

Мухбирларниң бу мақалигә мунасивәтлик соаллириға җаваб бәргән баянатчи ким ейюм, америка армийәсиниң корейә йерим арилидики давамлиқ мәвҗудийитиниң зөрүрлүкигә хитайдин келидиған тәһдитни ишарәт қилған. У бу һәқтә “америка бизниң иттипақдишимиз, шуңа шимал билән келишим түзүлгәндин кейинму бизниң хитай вә японийә билән болған мунасивәтлиримиздә америка йәнила яраштурғучилиқ ролини ойниши керәк,” дегән.

Шималий корейә йиллардин бери өзиниң ядросизлишишиниң шәртлиридин бири сүпитидә америка армийәсиниң аралдин чекинишини оттуриға қоюп кәлгән. Әмма өткән һәптидики икки тәрәп дөләт рәһбәрлириниң тарихий учришиши вә қошма баянатида америка армийәсиниң чекиниш мәсилиси тилға елинмиған. Мәлум болушичә, нөвәттә корейә йерим арилида америкиниң 28500 кишилик рентген мәвҗут икән. Бу мәвҗутлуқ корейә уруши ахирлашқан 1953‏-йилидин башлап давам қилип кәлмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт