Düshenbe küni yene 2 tibet özige ot qoydi

Muxbirimiz erkin
2014-03-17
Share

Chet'eldiki tibet teshkilatlirining xewer qilishiche, yekshenbe küni xitayning sichüen we chingxey ölkiliridiki tibetler olturushluq rayonlarda yene ikki tibet rahibi özige ot qoyup, xitayning tibet siyasitige naraziliq bildürgen.

Lobsang paldén isimlik bu yil 20 yashliq bir tibet rahibi sichüenning aba nahiyisi "Qehrimanlar kochisi"da özige ot qoyghan. Lékin ot qoyup uzun ötmey saqchilar neq meydan'gha yitip kélip, lobsang paldénni élip ketken we bu rayonda derhal amanliq tedbirlirini kücheytken.

Oxshashla shu küni, chingxeyning xu'angnen tibet aptonom oblastida yene bir rahib özige ot qoyghan. Shinxu'a axbarat agéntliqi bu weqe heqqide xewer bérip, bu rahibning shadéri ibadetxanisigha te'elluq ikenlikini bildürgen bolsimu, biraq uning ismi we yash quramini tilgha almighan. Chet'el tibet kishilik hoquq teshkilatlirining melum qilishiche, 2009‏-yildin buyan az dégende 120 tibet puqrasi yaki tibet rahibi özige ot qoyup, xitay da'irilirige naraziliq bildürgen.

Tibet teshkilatlirining ilgiri sürüshiche, lobsang paldén xitay amanliq küchlirining 2008‏-yili 16‏-mart aba nahiyiside namayish qilghan tibetlerge oq chiqirip, bir qanche kishini étip öltürgenlikige naraziliq bildürüp, del shu küni özige ot qoyghan. Xitay, tibet rohaniy rehbiri dalay lamani özige ot qoyushqa qutratquluq qilish bilen eyibligen bolsimu, biraq dalay lama bu weqelerni tibetlerdiki ümidsizlik keltürüp chiqiriwatqanliqini bildürüp, özining buni toxtitishqa qudriti yetmeydighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet