Xoten waliysi eziz musa 2-parche “Ochuq xet” élan qilip, atalmish “Ikki yüzlimichi” lerge éniqlima bergen

Muxbirimiz qutlan
2017-05-08
Share

Xoten waliysi eziz musa ötkende élan qilghan birinchi parche “Ochuq xéti” de xitay tarixnamiliridin neqil keltürüp, Uyghurlarning “Hon yaki türklerning ewladi emes, belki jungxu'a millitining biri ikenliki” ni ispatlap körsitishke urun'ghan idi.

U özi bir memuriy emeldar bolsimu, emma xitayning hökümet tarixchisi yaki orda insanshunasi muqamida söz qilip, “Uyghurlarning qénida xenzularning shundaqla xenzularning qénidimu Uyghurlarning qan terkibliri mewjut,” dégen.

U aldinqi küni “Tengritagh tori” da ikkinchi parche “Ochuq xet” élan qilip, Uyghurlar arisidiki atalmish “Ikki yüzlimichiler” ge éniqlima bergen.

U ikkinchi parche ochuq xétide “Etrapimizdiki ‛ikki yüzlimichiler‚ zadi kimler”, dep so'al qoyup, uninggha mundaq éniqlima bergen: “Birinchi, idiye jehette diniy esebiyler bilen bir éqimda mangghanlar؛ ikkinchi, siyasiy jehette ikki qéyiqqa teng desseydighan yumilaq tawuzlar؛ üchinchi, sehnide keskin bolup, sehnidin chüshkende pozitsiyesi éniq bolmaydighanlar؛ tötinchi, aghzida partiyedin minnetdar bolup, könglide öchmenlik saqlaydighanlar؛ beshinchi, partiyege kirish qesimi bergende partiyege egiship mangimen deydighan, halqiliq peytte din'gha étiqad qilidighanlar.”

U “Ochuq xet” ning axirida: “‛ikki yüzlimichiler‚ ning epti-beshirini échip tashlap, ‛ikki yüzlimichiler‚ ni ‛kochidin ötken chashqan ur-urgha qaptu‚ dégen haletke chüshürüp, ularni xelq urushining bipayan déngizigha gherq qiliwétish kérek,” dep yazghan.

Közetküchiler, xoten waliysi eziz musaning ikki parche “Ochuq xéti” ni Uyghur kadirlar hazirgha qeder élan qilghan “Ochuq xet” ler ichidiki eng esheddiy “Ochuq xet” dep qarimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet