Aliy mektep saheside "Ikki yüzlimilik"ke qarshi pa'aliyet yene ewj almaqta

Muxbirimiz eziz
2017-07-18
Share

Uyghurlar diyaridiki eng chong bilim yurti bolghan "Shinjang uniwérsitéti" ning mektep tor bétidin melum bolushiche, ötken hepte mezkur uniwérsitétining oqutquchi, ishchi-xizmetchiliri hemde oqughuchilar wekilliri mektep mudiri weli baratning riyasetchilikide ötküzülgen "Ikki yüzlimichilerni téximu chongqur qézish qesemyad yighini" gha qatnashqan.

Xewerde éytilishiche, bu qétimliq qesemyad yighini 10-mayda chaqirilghan "Shinjang uniwérsitétining bölgünchilikke we singip kirishke qarshi turush seperwerlik yighini" ning dawami dep körsitilgen. Shuning bilen birge "Bölgünchilikke we singip kirishke qarshi turush" xizmitini tüzümleshtürüsh we ebediyleshtürüshni ishqa ashurushqa chaqiriq qilin'ghan.

Alaqidar uchurlardin melum bolushiche, herqaysi jaylarda tetil üchün yurtlirigha qaytqan Uyghur oqughuchilarmu oxshimighan shekillerdiki qesemyad yighinlirigha qatnishiwatqan bolup, "Partiyege minnetdarliq bildürüsh, partiyege egishish, 'üch xil küch' lerge qarshi baturane jeng élan qilish" témisidiki siyasiy öginishlerge mejburlanmaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet