Yeken nahiyisining sabiq partkom sékrétari “Ikki yüzlimichilik” bilen eyiblinip wezipisidin qaldurulghan

Muxbirimiz irade
2018-12-04
Share

Yeken nahiyisining bu yil 3-ayda tekshürüshke élin'ghan sabiq partkom sékrétari wang yongjimu “Ikki yüzlimichilik” bilen eyiblen'gen. Xitayning sina tor béti tarqatqan uchurdin qarighanda, wang yongji bu yil 3-ayda tekshürüshke élin'ghan bolup, xitay merkizi intizam tekshürüsh da'iriliri téxi 1-dékabir küni uning délosigha munasiwetlik bir qisim tepsilatlarni ashkarilighan.

Xewerdin melum bolushiche, yeken nahiyilik partkomning sabiq sékrétari, qeshqer wilayetlik partkomining sabiq da'imiy hey'et ezasi wang yongji siyasiy intizamgha, kompartiyening “Shinjangni bashqurushqa alaqidar yolyoruqi” gha éghir derijide xilapliq qilghanliqi seweblik wezipisidin élip tashlinip, partiyidin qoghlap chiqirilghan we teptish organlirining bir terep qilishigha tapshurup bérilgen. Da'iriler wang yongjini xizmette biperwaliq qilish, guruh uyushturush, merkezning 8 xil qararining rohigha xilapliq qilish, hoquqini suyi'istémal qilish, qattiq qol bolmasliq, para élish qatarliq qilmishlar bilen eyibligen.

Diqqet qozghaydighini, intizam tekshürüsh da'iriliri wang yongjigha qaratqan eyibnamiside uni partiye bilen ghayisi we iradisi birdek bolmighan, partiyining 18-qurultiyidin kéyinmu peylini qet'iy özgertmigen, sépi özidin “Ikki yüzlimichi” dégen ibarini ishletken.

Uyghur aptonom rayoni partkomining sékrétari chén chüen'go Uyghur élige kelgendin kéyin jay-jaylarda “Ikki yüzlimichi” lerge zerbe bérish herikiti qozghap, her derijilik Uyghur kadirliri, ziyaliyliri we ammisigha zerbe bergen hem ularni lagérlargha qamighanliqi tenqidlenmekte. Uyghur közetküchilerning qarishiche, bir xitay kadirgha “Ikki yüzlimichi” ibarisining ishlitilishi téxi körülmigen ehwal bolush bilen birge, wang yongjining peqet Uyghur élide nöwette ijra qiliniwatqan chékidin ashqan siyasetlerge qarita tenqidiy pikirde bolghanliqi üchün “Ikki yüzlimichilik” bilen eyiblen'gen bolushi éhtimalliqini perez qilishmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet