Xitay hökümitining xongkong siyasiti "Ikkinchi shinjang berpa qilish" dep tenqidlendi

Xitay hökümitining 1997-yili xongkongni qayturuwalghanda "Bir dölette ikki xil tüzüm bolush" hemde xongkongning hazirqi halitini 50 yilghiche özgertmeslik heqqide bergen wedilirining yalghan'gha chiqiwatqanliqi yéqindin buyan xelq'araning tenqid témisi bolup qéliwatqanliqi melum. Yaponiyediki "Yaponiye awan'gartliri" zhurnilining 2-iyundiki maqaliside bu ehwal "Xitay hökümiti xongkongni ikkinchi shinjang qilishni qestlewatidu" dep xulasilendi.

Maqalida körsitilishiche, xitay hökümitining "Dölet bixeterlik qanuni" ni xongkongda ijra qilmaqchi bolushi xitay hökümitining bu heqtiki wedilirining emeldin qalghanliqini körsitidiken. Bu qanun ijra qilinsa xitay hökümiti biwasite halda xongkongning "Bixeterlik" sahesige biwasite rehberlik qilidiken. Xongkongdiki bezi kishiler bu halgha qarita "Xongkong emdi ikkinchi shinjang bolup qalidighan boldi" déyishmekte iken.

Aptorlar buningda 2009-yili ürümchide xitay hökümitige qarshi "5-Iyul namayishi" yüz bergendin kéyin xitay hökümitining özlirige naraziliqi bar, dep guman qilghanliki kishilerning hemmisini tutqun qilghanliqi hemde ularni "Qayta terbiyelesh mektipi" namidiki lagérlargha qamishini közde tutqan. Emdilikte bolsa xongkongdiki démokratiye namayishigha qatnashqan barliq kishilerning ashu xil aqiwetke duch kélish éhtimalliqi her sahe kishilirini endishige salmaqtiken.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar