Xelq'ara kechürüm teshkilati ilham toxtini qoyup bérishke chaqirdi

Muxbirimiz erkin
2014-02-26
Élxet
Pikir
Share
Print

Xitay da'irilirining öktichi ziyaliy ilham toxtini bölgünchilik bilen resmiy eyiblishi xelq'ara kishilik hoquq teshkilatlirining tenqidige uchridi. Xelq'ara kechürüm teshkilati charshenbe küni xelqni xitay rehberlirige xet yézip, ilham toxtini derhal qoyup bérishke dewet qilishqa chaqirdi.

Xelq'ara kechürüm teshkilati özining tor békitide élan qilghan chaqiriqida, ilham toxtini "Wijdan mehbusi", dep körsitip, "U özining ipade erkinlik hoquqini tinch yollar bilen qollan'ghanliqi üchün tutqun qilindi we qolgha élindi" dégen.

Amérikini baza qilghan Uyghur kishilik hoquq programmisi ilham toxtining qolgha élin'ghanliqini tenqidlep, bu xitayning Uyghur öktichilirige héchqandaq yol qoyulmasliq siyasiti yürgüzüpla qalmay, uning milliy siyasitige qaritilghan xelq'ara tenqidke barghanche qarmu-qarshi pozitsiye tutuwatqanliqini körsitidu, dédi.

Biraq, xitay hökümiti charshenbe küni özining ilham toxtini eyibligenlikini aqlidi. Xitay tashqi ishlar ministirliqi bayanatchisi xwa chünying, junggoning bir qanun döliti ikenlikini tekitlep, junggo edliye da'iriliri alaqidar déloni qanun boyiche bir terep qilidu, dégen. Amérika we yawropa ittipaqi ilgiri ilham toxtining tutqun qilin'ghanliqini tenqid qilghan idi.

Toluq bet