Türmidiki Uyghur ziyaliysi ilham toxtini qollash üchün mexsus bilezük yasaldi

Muxbirimiz irade
2015-05-28
Share

Türmidiki Uyghur ziyaliysi ilham toxtini qollash we uni kishilerning semige sélish üchün mexsus yasalghan bilezük bazargha sélindi.

Bilezük amérikidiki mariyland shtatliq uniwérsitéti axbarat fakultétining oqughuchiliri we proféssorliri teripidin layihilen'gen bolup, bu bilezükler hazir "Xelq'ara muxbirlar we tehrirler teshkilati" ning tor bétide sétilmaqta. Tor bette körsitilishiche, bu bilezükler "Kishensiz axbarat" qa simwolluq qilidighan bolup, uningdin kirgen kirimmu türmidiki yazghuchi-axbaratchilarni qutquzush xizmetliri üchün ishlitilidiken.

Melum bolushiche, bilezüklerge dunya miqyasida türmide yétiwatqan 221 neper axbaratchi we yazghuchi ichidin 9 nepirining ismi tallap bésilghan. Ilham toxti ene shularning ichidiki biridur. 9 Neper kishining isimliri we döliti her bir bilezükke ayrim-ayrim bésilghan bolup, bu bilezükke ismi kirgüzülgen kishilerning matériyallirini teminleshke xelq'ara zhurnalistlarni qoghdash komitéti yéqindin hemkarlashqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet