Xitay, ilham toxtini tebrikligen b d t komissari üstidin “Bölgünchilerning xorikini östürdi” dep qaqshidi

Muxbirimiz shöhret hoshur
2016.10.12

Xitay tashqi ishlar bayanatchisi géng shu'ang tünügünki martin énnals mukapat murasimigha qatnashqan we tebrik sözi qilghan b d t kishilik hoquq aliy kéngishining bashliqi zeyid ra'ad hüseyin üstidin “Bölgünchilerning xorikini östürdi” dep qaqshidi.

Xitay bayanatchi sözide zeyid hüseyinning murasimgha qatnishishi we tebrik sözini “Xitayning ichki ishlirigha arilishish we b d t nizamlirini éghir derijide buzush” dep eyiblidi. Sözide yene “Xelq'aradiki bezi küchler dawamliq halda bir qisim térrorchilar teripidin junggo xelqige qarshi ishlen'gen jinayetlerge köz yumuwalidu” dégen xitay bayanatchi ilham toxtining “Jinayetlirining éniq ikenliki”ni ilgiri sürdi.

B d t tor bétide élan qilin'ghan xewerdin melum bolushiche, komissar zeyid hüseyin tünügünki murasimda qilghan sözide, ilham toxtigha oxshash kishilik hoquq pa'aliyetchilirining öz pidakarliqi, jasariti we durust exlaqi bilen dunya jama'itige ümid béghishlawatqanliqigha medhiye oqughan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.