Rabiye qadir xanim martin ennals mukapati fondigha minnetdarliq bildürdi

Muxbirimiz shöhret hoshur
2016-10-12
Share

Uyghur milliy herikiti rehbiri rabiye qadir xanim bügün, muddetsiz qamaqtiki ilham toxtigha mukapat bergen martin ennals fondigha minnetdarliq bildürdi.

Mezkur teshkilatning Uyghur xelqining nöwettiki échinishliq weziyitini eynen köreligenlikige apirin oqughan rabiye qadir xanim, bu mukapatning Uyghurlar üchünla emes, dunyadiki diktatoriliq we mustemlikichilikke qarshi körüsh qiliwatqan barliq milletlerge medet we ilham bolidighanliqini tekitlidi.

Rabiye xanim bu heqte radi'omizgha bergen bayanatida, ilham toxtining xitaydek dunyaning eng diktator bir dölitining paytextide, béshida tapancha tenglinip turuwatqan bir weziyette, Uyghur xelqining milliy we siyasiy iradisini shara'it mumkinchiliki da'iriside eks ettürgenlikini we uning bu yolda körsetken jasaritining nöwettiki yillarda misali az uchraydighan bir jasaret ikenlikini eskertti.

U sözining axirida, qamaqtiki ilham toxtigha we uning a'ile-tawabi'atigha, bu mukapat sewebi bilen Uyghur xelqining awazining dunyagha yene bir qétim yangrishigha wesile bolghanliqigha Uyghur xelqi namidin rehmet éytti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet