Или қазақ аптоном областида йәнә бир нәпәр қазақ рәһбәр очуқ хәт елан қилди

Мухбиримиз үмидвар
2017-04-23
Share

Уйғур аптоном райони даирилири тшкилләватқан һәр дәриҗилик уйғур рәһбирий кадирлириниң "милли бөлгүнчилик, диний әсәбийлик вә террорчилиққа"қа қарши күрәш қилиш ирадисини билдүрүш мәзмунидики очуқ хәт елан қилиш паалийәтлири, қазақ рәһбирий кадирлар арисиғиму кеңийиватқанлиқи мәлум.

22-Април күни "или гезити" или қазақ аптоном области хәлқ қурултийиниң муавин мудири җүман баршибекниң бир парчә очуқ хет шәклидики баянатини елан қилған. Җүмән баршибәктин илгири 16-април күни или қазақ аптоном областиниң башлиқи қурмаш серҗан охшаш идийәдики очуқ хетини елан қилған иди.

Җүман баршибекниң очуқ хетидә өзиниң "партийә узун йиллар тәрбийиләп йетиштүргән қазақ рәһбири кадир" икәнликини әскәртиш билән биргә аталмиш "үч хил күч"ни қаттиқ әйибләп, уларниң қилмишлириниң мисали сүпитидә 1997-йилидики "5-феврал ғулҗа вәқәси"вә 2009-йилидики "5-июл үрүмчи вәқәси"ни әслитип өткән.

У йәнә уйғур дияридики аталмиш "үч хил күч"ләрниң һәрикитини чегра сирти билән бағлап:"чеграниң ичи-сиртидики вәзийәттин қариғанда< үч хил күч>ләр чегра сиртидики җуңгоға қарши күчләрниң қоллиши астида әзәлдин бузғунчилиқ һәрикәтлирини тәшкилләш вә пиланлашни тохтамиди" дегән.

У йәнә охшашла, өзиниң "бөлгүнчиликкә қарши күрәшниң биринчи сепидә қәтий туридиғанлиқи" вә һәргизму "икки йүзлүк адәм" вә "икки йүзлимичи" болмайдиғанлиқини билдүргән,

Өткән пәйшәнбә күни йәнә уйғур аптоном райони рәиси шөһрәт закирму өзиниң йеқиндин буянқи тунҗи баянатини елан қилип, уйғур кадирлар арисидики аталмиш"икки йүзлимичи"ләр вә "үч хил күч"ләрни қаттиқ әйиблигән, униң сөзлири дуня уйғур қурултийи рәиси рабийә қадир ханим вә чәтәлләрдики башқа бир қисим уйғур затлириниң тәнқидигә учриған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт