Ili qazaq aptonom oblastida yene bir neper qazaq rehber ochuq xet élan qildi

Muxbirimiz ümidwar
2017-04-23
Share

Uyghur aptonom rayoni da'iriliri tshkillewatqan her derijilik Uyghur rehbiriy kadirlirining "Milli bölgünchilik, diniy esebiylik we térrorchiliqqa"qa qarshi küresh qilish iradisini bildürüsh mezmunidiki ochuq xet élan qilish pa'aliyetliri, qazaq rehbiriy kadirlar arisighimu kéngiyiwatqanliqi melum.

22-April küni "Ili géziti" ili qazaq aptonom oblasti xelq qurultiyining mu'awin mudiri jüman barshibékning bir parche ochuq xét sheklidiki bayanatini élan qilghan. Jümen barshibektin ilgiri 16-april küni ili qazaq aptonom oblastining bashliqi qurmash sérjan oxshash idiyediki ochuq xétini élan qilghan idi.

Jüman barshibékning ochuq xétide özining "Partiye uzun yillar terbiyilep yétishtürgen qazaq rehbiri kadir" ikenlikini eskertish bilen birge atalmish "Üch xil küch"ni qattiq eyiblep, ularning qilmishlirining misali süpitide 1997-yilidiki "5-Féwral ghulja weqesi"we 2009-yilidiki "5-Iyul ürümchi weqesi"ni eslitip ötken.

U yene Uyghur diyaridiki atalmish "Üch xil küch"lerning herikitini chégra sirti bilen baghlap:"Chégraning ichi-sirtidiki weziyettin qarighanda< üch xil küch>ler chégra sirtidiki junggogha qarshi küchlerning qollishi astida ezeldin buzghunchiliq heriketlirini teshkillesh we pilanlashni toxtamidi" dégen.

U yene oxshashla, özining "Bölgünchilikke qarshi küreshning birinchi sépide qet'iy turidighanliqi" we hergizmu "Ikki yüzlük adem" we "Ikki yüzlimichi" bolmaydighanliqini bildürgen,

Ötken peyshenbe küni yene Uyghur aptonom rayoni re'isi shöhret zakirmu özining yéqindin buyanqi tunji bayanatini élan qilip, Uyghur kadirlar arisidiki atalmish"Ikki yüzlimichi"ler we "Üch xil küch"lerni qattiq eyibligen, uning sözliri dunya Uyghur qurultiyi re'isi rabiye qadir xanim we chet'ellerdiki bashqa bir qisim Uyghur zatlirining tenqidige uchrighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet