Awstraliyediki Uyghurlar parlamént tor bétide imzaliq telepname sunush pa'aliyiti bashlidi

2018-08-15
Élxet
Pikir
Share
Print

Awstraliye parlaméntining tor bétidin melum bolushiche, awstraliyediki Uyghurlar parlaméntqa imzaliq telep sunush pa'aliyiti bashlighan.

Awstraliye sherqi türkistan jem'iyitining namida teyyarlan'ghan telepnamide xitayning Uyghur rayonida berpa qilghan yighiwélish lagérlirining köpligen xelq'araliq ehdinamilerge xilap ikenliki bayan qilinip, lagérlarning taqilishi heqqide awstraliye parlamént ezalirining tégishlik heriket élip bérishi telep qilin'ghan.

Bu heriket bashlinip ikki kün ichide 100 din artuq kishi imza qoyghan. Mezkur teshkilatning mes'ulliridin nurmemet türkistani ependining melum qilishiche, bu imzaliq telepname jedwili awstraliye parlamént tor bétide 12‏-séntebir künige qeder ochuq turidiken. Melum bolushiche, mezkur teshkilat bu telepnamige mumkin qeder köp kishini imza qoyghuzush üchün jem'iyet ezalirini uruq-tughqan, dost-buraderliri we xizmetdashlirinimu bu pa'aliyetke qatnishishqqa yétekleshke dewet qilghan.

Ijtima'iy taratqulardiki xewerlerdin melum bolushiche, xitayning b d t da lagérlar mesilisini inkar qilishi muhajirettiki Uyghur pa'aliyetichilirining bezilirini jiddiyleshtürgen bolsa, bezilirini téximu aktip heriketke keltürgen.

Toluq bet