Уйғур аптоном райониниң "диний ишлар башқуруш чариси" рәсмий йолға қоюлди

Мухбиримиз әркин
2015-01-02
Share

Уйғур аптоном райониниң "диний ишлар башқуруш чариси" бу йил 1‏-январдин башлап рәсмий йолға қоюлушқа башлиди. 2014‏-Йили 28‏-ноябир күни уйғур аптоном районлуқ хәлқ қурултийи тәрипидин мақулланған мәзкур чаридә, диний сорун, диний паалийәтләрни техиму қаттиқ контрол қилиш оттуриға қоюлған.

Д у қ қурултийи баянатчиси дилшат ришит, мәзкур чарә уйғур илида диний әркинлик техиму қаттиқ боғулуп, тоқунуш вә қанлиқ вәқәләрниң техиму көпийишини кәлтүрүп чиқириду, дәп агаһландурди.

Мәзкур чаридә, "һәр қандақ гуруһ вә шәхсниң диний ашқунлуқни тәрғиб қилишиға, қатнишишиға болмайду" дегән.

Униңда йәнә, диний паалийәт вә диний сәвәбләрни көрситип, ишләпчиқириш, тиҗарәт, никаһ вә дәпн мурасими қатарлиқ миллий өрп-адәт вә турмуш усули, мәдәнийәт, тәнтәрбийә, сәнәт ишлириға арилишишни чәклигән. "диний ашқунлуқ" тәрғиб қилинған қияпәт, кийим-кечәк, бәлгә, маркилар мәни қилинған иди.

Дилшат ришитниң көрситишичә, мәзкур чаридә "диний ашқунлуқ" билән "нормал диний паалийәтләр"ниң пәрқи ениқ айрилмиған. Униңда хитай даирилириниң халиған диний паалийәт вә диний затни бастуруши қанунлаштурулған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт