Amérika, xitayda ipade erkinliki dawamliq buzghunchiliqqa uchrawatqanliqidin endishe qilimiz, dédi

Muxbirimiz erkin
2015-01-02
Share

Amérika dölet ishlar ministirliqi gugol élxet alaqisining tosup qoyulghanliqigha inkas bildürüp, xitayda ipade erkinliki dawamliq buzghunchiliqqa uchrawatqanliqidin endishe qilimiz, dédi. Gugol shirkiti xitayning 26‏-dékabirdin béri gugol élxet alaqisini tosup qoyghanliqini élan qilghan.

Biraq, xitay tashqi ishlar ministirliqi bu weqedin xewiri yoqluqini bildürgen idi. Amérika dölet ishlar ministirliqi bayanatchisi jef ratké, "Biz xitayda ipade erkinlikige jümlidin tor erkinlikige qilin'ghan buzghunchiliqtin dawamliq endishe qilimiz. Biz xitay da'irilirining axbarat we normal tor betlirige qoyghan cheklimisi xitayning zamaniwi, uchurni asas qilghan iqtisad we jem'iyet qurush arzusigha muxalip, dep qaraymiz, dégen.

Jef ratké yene, xitayni xelq'ara shirketlerge mu'amilide ochuq-ashkara bolushqa, uning herikitining bazargha béridighan signalini oylishishqa chaqirghan. Lékin jef ratké, gugol élxet alaqisining tosup qoyulushida xitay hökümiti qandaq rol oynighanliqigha baha bérishni ret qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet