Сотта хитай асаси қанундики ипадә әркинликни тәкитлигән адвокат тутқун қилинған

Мухбиримиз әркин
2014-12-12
Share

Җүмә күни, хитайдики 250 дин артуқ адвокат имзалиқ очуқ хәт елан қилип, фалунгоң муритини ақлиған адвокат җаң кекениң тутқун қилинғанлиқиға наразилиқ билдүрди. Вәқә пәйшәнбә күни хитайниң җилин өлкисидә йүз бәргән.

Адвокат җаң кеке бир фалунгоң муритиниң ақлиғучи адвокатлиқини қилған. У, соттики баянатида фалунгоң муритини ақлап, сотчиға хитай асаси қанунидики сөз вә диний әркинликни сотчиларниң сәмигә салған. Бирақ сотчи вә сақчилар уни сот мәйданида тутқун қилип, 6 саәт қамап қойған.

Бирләшмә агентлиқиниң баян қилишичә, имзалиқ очуқ хәткә қол қойған адвокатлардин җаң лей, сақчиларниң һәрикитини “әқилсизлиқ” дәп тәнқидләп, “сотта адвокат қанунни сөзлимәй қандақ адвокатлиқ қилиду” дегән.

Очуқ хәттә йәнә, хитай даирилиридин адвокатларниң җавабкарни ақлаш һоқуқини қоғдашни тәләп қилған. Җаң лейниң илгири сүрүшичә, бу хил радикал қилмишлар фалунгоңчи қатарлиқларға четишлиқ назук делоларда йүз беридикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт