Sotta xitay asasi qanundiki ipade erkinlikni tekitligen adwokat tutqun qilin'ghan

Muxbirimiz erkin
2014.12.12
Share on WhatsApp
Share on WhatsApp

Jüme küni, xitaydiki 250 din artuq adwokat imzaliq ochuq xet élan qilip, falun'gong muritini aqlighan adwokat jang kékéning tutqun qilin'ghanliqigha naraziliq bildürdi. Weqe peyshenbe küni xitayning jilin ölkiside yüz bergen.

Adwokat jang kéké bir falun'gong muritining aqlighuchi adwokatliqini qilghan. U, sottiki bayanatida falun'gong muritini aqlap, sotchigha xitay asasi qanunidiki söz we diniy erkinlikni sotchilarning semige salghan. Biraq sotchi we saqchilar uni sot meydanida tutqun qilip, 6 sa'et qamap qoyghan.

Birleshme agéntliqining bayan qilishiche, imzaliq ochuq xetke qol qoyghan adwokatlardin jang léy, saqchilarning herikitini “Eqilsizliq” dep tenqidlep, “Sotta adwokat qanunni sözlimey qandaq adwokatliq qilidu” dégen.

Ochuq xette yene, xitay da'iriliridin adwokatlarning jawabkarni aqlash hoquqini qoghdashni telep qilghan. Jang léyning ilgiri sürüshiche, bu xil radikal qilmishlar falun'gongchi qatarliqlargha chétishliq nazuk délolarda yüz béridiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.