Американиң иқтисадий ембаргоси хитайни қаттиқ биарам қилмақта

Мухбиримиз ирадә
2017.08.24

Америка һөкүмити хитайға тәвә бәзи ширкәт вә шәхсләргә иқтисадий ембарго қойғандин кейин хитай арқа - арқилап баянат берип, американиң бу қарарини әйиблимәктә.

Бүгүн хитайниң сода министирлиқи баянатчиси гав фең мухбирларға баянат берип, хитай, американиң иқтисадий имбарголириға қарши туруш үчүн барлиқ тәдбирләрни ишқа салиду, дегән.

Дүшәнбә күни, америка һөкүмити асаслиқ хитай вә русийәгә тәвә болған 16 ширкәт вә шәхскә, шималий корейә ядро қораллири пиланини қоллиғанлиқи үчүн иқтисадий ембарго елан қилған иди. Мәлум болушичә, ембарго қоюлған 16 ширкәт вә шәхсниң ичидә 6 хитай ширкити бар болуп, булардин 3 и шималий корейәдин көмүр импорт қиливатқан ширкәтләр икән.

Ройетерс агентлиқиниң хәвиридә ейтилишичә, трамп һөкүмити дүшәнбә күни елан қилған бу қарар америкада хитайниң тиҗарәттики тәңпуңсизлиқиға қарши елинған тунҗи әмәлий бир қәдәм болуп һесаблинидикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.