Dunya bankisi xitayni iqtisadiy siyasitini islah qilishqa chaqirdi

Muxbirimiz jüme
2014-10-29
Élxet
Pikir
Share
Print

Dunya bankisi 29-öktebirdiki doklatida, xitay da'irilirini noqul iqtisadiy ösüshinila közlimey, iqtisadiy siyasitini pütüley islah qilishqa chaqirdi.

Doklatta xitayning jiddiy iqtisadiy chékinishtin saqlinish üchün, emgek, öy-mülük baziri we dölet igilikidiki karxanilar arisida riqabet shekillendürüp, ularning ünümdarliqini ashurushi kérekliki körsitildi.

Birleshme agéntliqida neqil qilishiche, doklat teyyarlashqa qatnashqan iqtisadshunas karlis smists mundaq dédi: siyasetning diqqet nuqtisi aldin belgilen'gen ösüsh nishanini emelge ashurushqa emes, belki islahatqa qaritilishi kérek.

1992-Yili xitay hökümiti dölet igilikidiki karxanilarni xususiylashturup, iqtisadiy qurulmisini pilanliq igiliktin bazar igilikige qarap tengshigen bolsimu, yenila toluq erkin bazar sistémisi shekillendürülmigen. Xitayda yene nurghunlighan chong shirketler dölet igilikide bolup, xitayning iqtisadiy qurulmisi sotsiyalistik bazar igiliki halitini saqlap kelgen.

Bu yil xitay iqtisadidiki ösüsh nisbiti 7.3 Pirsentke töwenligen bolup, mutexessisler ösüsh nisbitining 2015-yili 7.1 Pirsentke chüshidighanliqini perez qilishqan.

Ötken 30 nechche yildin buyan qosh reqemlik sür'et bilen örlep kelgen xitay iqtisadidiki ösüsh nisbiti 2008-yildiki dunyawi iqtisadiy krizistin kéyin töwenleshke bashlighan idi.

Toluq bet