“иқтисадшунас” тори уйғурлар һәққидә ишләнгән “қәпәс” намлиқ пирограммини қайта аңлатқан

Вашингтондин мухбиримиз ирадә тәйярлиди
2023.12.27

Дуня миқясидики нопузлуқ мәтбуатлардин бири болған “иқтисадшунас” (Economist) журнили уйғурларниң вәзийити тонуштурулған “қәпәс” намлиқ авазлиқ пирограмма подкәстини қайта елан қилишқа башлиған.

“иқтисадшунас” журнили хитай ичи вә сиртида яшаватқан уйғурларниң хитай һөкүмитиниң тәқиблиши вә контрол қилишиға учраш әһвалини асас қилип туруп “қәпәс”намлиқ икки қисимлиқ сөһбәт пирограммисини бу йилниң бешида елан қилған иди. Улар бу пирограммини қайта елан қилишидики сәвәбни изаһлап мундақ дегән:

“хитай һөкүмити юқумдин кейин шинҗаңға мәбләғ селишни әслигә кәлтүргәчкә, кишилик һоқуқ дәпсәндичилики вә мәҗбурий әмгәк тоғрисидики һекайиләр таратқулардин көп орун алмайдиған болуп қалди. Биз бу йил ахирлишай дәп қалған мушу күнләрдә, бирләшкән дөләтләр тәшкилати 2024-йиллиқ кишилик һоқуқ кеңишиниң қәрәллик тәкшүрүш йиғининиң алдимиздики айда башлайдиғанлиқини көздә тутуп туруп, ‛қәпәс‚ намлиқ бу пирограммимизни қайта йолға қоюш арқилиқ, уйғурлар үстидин һелиһәм давамлишиватқан зиянкәшликни дуняниң есигә селишни мәқсәт қилдуқ.”

“қәпәс” намлиқ пирограмма “иқтисадшунас” журнилиниң хитай ишлири бойичә юқири дәриҗилик мухбири әлис су (Alice Su) вә давид ренни (David Rennie) тәрипидин мәхсус аңлитилидиған подкәст сәһиписидә тарқитилидиған болуп, пирограммида абдувәли аюп, кәвсәр ваһит, нигарә вә башқилар зиярәт қилинған икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.