“Iqtisadshunas” tori Uyghurlar heqqide ishlen'gen “Qepes” namliq pirogrammini qayta anglatqan

Washin'gtondin muxbirimiz irade teyyarlidi
2023.12.27

Dunya miqyasidiki nopuzluq metbu'atlardin biri bolghan “Iqtisadshunas” (Economist) zhurnili Uyghurlarning weziyiti tonushturulghan “Qepes” namliq awazliq pirogramma podkestini qayta élan qilishqa bashlighan.

“Iqtisadshunas” zhurnili xitay ichi we sirtida yashawatqan Uyghurlarning xitay hökümitining teqiblishi we kontrol qilishigha uchrash ehwalini asas qilip turup “Qepes”namliq ikki qisimliq söhbet pirogrammisini bu yilning béshida élan qilghan idi. Ular bu pirogrammini qayta élan qilishidiki sewebni izahlap mundaq dégen:

“Xitay hökümiti yuqumdin kéyin shinjanggha meblegh sélishni eslige keltürgechke, kishilik hoquq depsendichiliki we mejburiy emgek toghrisidiki hékayiler taratqulardin köp orun almaydighan bolup qaldi. Biz bu yil axirlishay dep qalghan mushu künlerde, birleshken döletler teshkilati 2024-yilliq kishilik hoquq kéngishining qerellik tekshürüsh yighinining aldimizdiki ayda bashlaydighanliqini közde tutup turup, ‛qepes‚ namliq bu pirogrammimizni qayta yolgha qoyush arqiliq, Uyghurlar üstidin hélihem dawamlishiwatqan ziyankeshlikni dunyaning ésige sélishni meqset qilduq.”

“Qepes” namliq pirogramma “Iqtisadshunas” zhurnilining xitay ishliri boyiche yuqiri derijilik muxbiri elis su (Alice Su) we dawid rénni (David Rennie) teripidin mexsus anglitilidighan podkest sehipiside tarqitilidighan bolup, pirogrammida abduweli ayup, kewser wahit, nigare we bashqilar ziyaret qilin'ghan iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.