Iran bir amérikiliq zhurnalistni qamaq jazasigha höküm qildi

Iran edliye da'iriliri amérikining "Washin'gton pochtisi" gézitining muxbiri jeyson rézayan'gha jasusluq jinayiti artip türme jazasigha höküm qilghan. Emma uninggha höküm qilin'ghan qamaq jazasining mudditi we bashqilar heqqide tepsiliy toxtalmighan.

Rézayan buningdin bir yildin artuq waqit ilgiri iranda qolgha élinip, iran da'iriliri uni jasusluq bilen eyibligen, biraq washin'gton pochtisi géziti bu eyibleshni ret qilghan idi.

Amérika awazining xewer qilishiche, amérika dölet ishliri ministirliki iran hökümitidin jeyse'on rézayan'gha chiqarghan qamaq jazasini bikar qilip, uni derhal boshitishqa chaqirghan. Shuningdek yene téhran tereptin yene bashqa ikki amérika puqrasinimu qoyup bérishni telep qilghan.

Washin'gton pochtisi gézitimu bayanat élan qilip, jeyson rézayan'ggha chiqirilghan hökümning bikar qilinip, uning derhal boshutulushini telep qilghan.

Rézayan we uning özi bilen oxshash kesiptiki ayali we bashqa ikki foto muxbir 2014 - yili, 7 - ayda iranda tutqun qilin'ghan idi. Qalghanlar qoyup bérilip, u tutqanda qalghan. Rézayan 2012 - yili washin'gton pochtisi gézitining téhrandiki muxbirliq ponkitining bashliqi bolghan idi.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar