Иран бир америкилиқ журналистни қамақ җазасиға һөкүм қилди

Мухбиримиз үмидвар
2015-11-23
Елхәт
Пикир
Share
Принт


Иран әдлийә даирилири америкиниң «вашингтон почтиси» гезитиниң мухбири җәйсон резаянға җасуслуқ җинайити артип түрмә җазасиға һөкүм қилған. Әмма униңға һөкүм қилинған қамақ җазасиниң муддити вә башқилар һәққидә тәпсилий тохталмиған.

Резаян буниңдин бир йилдин артуқ вақит илгири иранда қолға елинип, иран даирилири уни җасуслуқ билән әйиблигән, бирақ вашингтон почтиси гезити бу әйибләшни рәт қилған иди.

Америка авазиниң хәвәр қилишичә, америка дөләт ишлири министирлики иран һөкүмитидин җәйсәон резаянға чиқарған қамақ җазасини бикар қилип, уни дәрһал бошитишқа чақирған. Шуниңдәк йәнә теһран тәрәптин йәнә башқа икки америка пуқрасиниму қоюп беришни тәләп қилған.

Вашингтон почтиси гезитиму баянат елан қилип, җәйсон резаянгға чиқирилған һөкүмниң бикар қилинип, униң дәрһал бошутулушини тәләп қилған.

Резаян вә униң өзи билән охшаш кәсиптики аяли вә башқа икки фото мухбир 2014 - йили, 7 - айда иранда тутқун қилинған иди. Қалғанлар қоюп берилип, у тутқанда қалған. Резаян 2012 - йили вашингтон почтиси гезитиниң теһрандики мухбирлиқ понкитиниң башлиқи болған иди.

Толуқ бәт