Iran'gha qaritilghan imbargo bikar qilindi

Muxbirimiz ümidwar
2016-01-18
Share

Shenbe küni amérika we yawropa ittipaqining iran'gha qaratqan barliq imbargolirini bikar qilghanliqi'i élan qilindi. Xelq'ara atom énérgiye agéntliqi téhranning özining yadro pilanini toxtitish heqqidiki barliq shertlirini orundighanliqini bildürgen idi.

B b s agéntliqining xewer qilishiche, amérika dölet ishliri ministiri jon kerrining pikriche, buning bilen iranning yadro qoralliri berpa qilish tehdidi azayghan bolup, u : iran qollan'ghan charilargha asasen amérika qoshma shitatliri we yawropa ittipaqi yadro programmisigha baghliq barliq imbargolarni toxtatti, dégen.

Amérika awazining xewer qilishiche ötken seyshenbe küni iran özining arak rayonidiki atom ré'aktorini murasim ötküzüp bikar qilghan idi.

Iranning yadro pilani sewebidin bir qanche yillardin buyan iran bilen amérikini öz ichige alghan gherb döletliri arisida ixtilap dawamlashqan we gherb döletliri iran'gha yadro pilanini bikar qilish heqqide shertlerni qoyghan, we ikki terep arisida köp söhbetler dawamlashqan idi.

Gherb iranning yadro pilani sewebidin uninggha qarita imbargo qollan'ghan bolup, bu, iranning iqtisadigha éghir tesir körsetken idi.

Iran prézidénti hesen rohani iran'gha qaritilghan imbargo bikar qilin'ghanliqi élan qilip uzun ötmey qilghan sözide gherbning imbargoni bikar qilishni yuqiri bahalap, "Iran özining dunya bilen bolghini munasiwetlirining yéngi sehipisini achti"dep baha berdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.