Xitay paraxoti bilen soqushup ketken iran paraxoti chökken

Muxbirimiz ümidwar
2018.01.14

1-Ayning 6-küni bir xitay yük paraxoti bilen soqushup kétip ot ketken iran'gha tewe “Sanchi” namliq néfit toshush paraxoti bir hepte köygendin kéyin bu yekshenbe küni chöküp ketken.

Mezkur paraxottiki kishilerning héchqaysisining hayatidin ümid qalmighan. Xewerlerdin melum bolushiche, 32 ademning ichide üch ademning jesiti bayqalghan idi.

Mezkur may paraxoti 136 ming tonna néfit qachilap, jenubi koréyege méngish sepiride xitayning changjang deryasining déngizgha quyulush éghizidin 160 déngiz mili nérida amérikidin ashliq toshup kéliwatqan xitay yük paraxoti bilen soqushup ot ketken idi. Xitay paraxoti weyran bolmighan we ademlermu saq qalghan.

B b s agéntliqining xewer qilishiche, bir heptilik qutquzush ishlirigha yaponiye, jenubi koréye, xitay qatarliq ellermu qatnashqan. Emma, iran terep xitayning qutquzush ishlirigha passip mu'amile qiliwatqanliqini tenqid qilghan. “Ereb xewerliri” gézitining yézishiche, peyshenbe küni iran soda-paraxot xadimliri birleshmisi xitay hökümitige xet yézip, xitay terepning ot öchürüsh jehette yéterlik derijide hemkarlashmighanliqini tenqid qilghan idi.

Mezkur iran may paraxotining köyüp kétishi 26 yildin buyanqi eng chong paraxot weqesi hésablinidiken. Nöwette mezkur may paraxotining chöküshi bilen etraptiki déngiz su muhitining bulghinishi kélip chiqqanliqi, etraptiki bir qanche yüz kilométir jayda béliq tutushqa bolmaydighanliqigha a'it inkaslarmu otturigha chiqmaqta.

Mezkur may paraxotining köyüp chöküshi netijiside shu etraptiki 10 kwadrat kilométir déngiz yüzi may bilen qaplan'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.