Iran we xitay emeldarliri wirus yuqumdarlirining sani mesiliside taliship qaldi

Xitay hökümitining tajsiman wirusi yéngi tarqalghan waqitlarda yuqumdarlarning sanini yoshurup, dunyani bixudlashturup qoyghanliqi tenqidke uchrap kéliwatqanidi. Bu jehette yalghanchiliq qiliwatidu, dep qariliwatqan iranmu bügün özlirining xitay hökümiti élan qilghan yuqumdarlar sanigha ishenmeydighanliqini bildürdi.

"El-erebiye" gézitining 6-aprél sanida élan qilin'ghan bu heqtiki xewerde éytilishiche, iran sehiye ministirliqining bayanatchisi kyanosh jahanpur yekshenbe küni échilghan muxbirlarni kütüwélish yighinida xitay hökümitining desleptila yalghan melumat tarqatqanliqini, buning bilen dunyaning "Bu wirus unche qorqunchluq emesken" dep xata oylap qalghanliqini tenqidlidi. Shundaqla xitay hökümiti élan qilghan yuqumdarlar we ölgenler sanini "Lawza chaqchaq" dep teswirlidi.

Xitayning téhrandiki bash elchisi chang xu'a buninggha tiwéttérda jawab yézip "Pitne-pasatlar bizning dostluqimizni buzalmaydu" dédi.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar