Iran prézidénti hasan rohaniy yadro kélishimige emel qilidighanliqini bildürdi

Muxbirimiz erkin
2015-04-03
Share


Iran prézodénti hasan rohani jüme küni téléwiziye nutuqi sözlep, iranning amérika, en'giliye, fransiye, gérmaniye, xitay we rusiye otturisida imzalan'ghan yadro kélishimige emel qilidighanliqini bildürdi. Uning körsitishiche, mezkur kélishim iranning dunya bilen yéngi munasiwet qurushining bashlinish nuqtisi iken.

U, peqet 6 dölet kélishimge emel qilsila, iran uninggha emel qilishqa kapaletlik qilidu......... Dunya iranning aldamchiliq qilmaydighanliqini bilsun, dégen. Tünügün, amérika prézidénti barak obama aqsarayda ötküzgen axbarat élan qilish yighinida shwétsariyening lozan shehiride imzalan'ghan mezkur kélishimge ijabiy baha bérip, kélishim "Tarixiy ehmiyetke ige" dep körsetken idi.

Iran bilen bolghan kélishim amérikining ottura sherqtiki eng yéqin ittipaqdéshi isra'iliyeni bi'ar'am qilghan. Isra'iliye bash ministiri nétaniyaxu, bu kélishim yadro qorallirining kéngiyishige yol échip béridighanliqini, isra'iliyening mewjütluqigha zor tehdit élip kélidighanliqini agahlandurghan.

Biraq, yawropa ittipaqi tashqi ishlar komisari fédirika mugherinning körsitishiche, bu kélishim arqiliq iranning qoyuq uran pishshiqlap ishlepchiqirish iqtidarigha we saqlishigha cheklime qoyulghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.