Wiyénnada iranning yadro programmisigha a'it söhbet bashlandi

Muxbirimiz ümidwar
2014-07-13
Élxet
Pikir
Share
Print

Amérika dölet ishliri ministiri kerri alte döletning iran bilen ötküzidighan söhbitige qatnishish üchün awstriyening wiyénna shehirige yétip keldi.

Amérika dölet ishliri ministiri jon kerri yekshenbe küni wiénnada pikir bayan qilip, iranning yadro qorallirini tereqqiy qildurmasliqi heqqide choqum wede bérishi kérekliki, buning intayin muhimliqini tekitligen.

Amérika awazining yézishiche, amérika dölet ishliri minsitir kerrining sözi boyiche alghanda iranning yadro programmisigha a'it köpligen mesililer yenila hel qilinmighan halda qélishi mumkin.

Iran bilen yadro mesilisige a'it söhbetke qatnashqan bir neper amérika yuqiri derijilik emeldarining éytishiche shenbe künidiki söhbette bezi ilgirileshler bolghan bolsimu, emma achquchluq mesililerde yenila ixtilaplar mewjut.

Eger bezi muhim achquchluq mesililerde ilgirilesh bolmisa, eng axirqi möhlet, yeni 7 - ayning 20 - künidin kéyin söhbet waqtini uzartish qiyin iken.

Wiyénnada alte döletning iran bilen yadro mesilisi boyiche ötküzidighan söhbitige amérika, firansiye, en'gliye we gérmaniye tashqi ishlar ministirliri qatnashqan, emma xitay bilen rusiye peqet mu'awin tashqi ishlar ministirlirinila qatnashturghan.

Birleshme agéntliqining yézishiche, kerri yene gérmaniye tashqi ishlar ministiri frank waltér stéynmé'ir bilen ayrim söhbetlishidiken.

Melum bolushiche iran bilen bolidighan söhbet bir hepte dawamlishidighan bolup, söhbet netijiside nöwette iran mewjut waqitliq kélishimning ornigha iranning yadro programmisini tereqqiy qildurushni kontrol qilidighan uzun muddetlik kélishim hasil qilinishi kérek iken.

Amérika qatarliq gherb döletliri iranning yadro qorali yasashqa urunuwatqanliqini tenqid qiliwatqan bolup, emma iran terep özining yadro programmisining peqet tinchliq üchün ikenlikini bildürüp, öz mewqeside turmaqta idi.

Toluq bet